Uma uJesu enza izinto ezinamandla nezibabezekayo ezimpilweni zethu ,umuzwa wokuqala oqondakalayo osifikelayo owokumdumisa nokumbonga.Kodwa ngokwehlukile ,kukhona okunye angathanda sikwenze futhi .

UJesu wake wadibana nendoda empilo yayo  yabe iyincithakalo uqobo .

NgokukaMarkhu 5:1-5 Base befika phesheya kolwandle ezweni lamaGerasa.  Esephume emkhunjini, kwahlangana naye

masinyane umuntu ovela emathuneni, enomoya ongcolileyo.

Wayehlala emathuneni, kungasekho muntu ongambopha nangeketanga; ngokuba wayeseboshwe kaningi ngawozankosi nangamaketanga, kepha amaketanga ayegqashuliwe nguye nawozankosi babephuliwe, kungekho noyedwa owayenamandla okumthambisa.

 Ngesikhathi sonke ubusuku nemini wayesemathuneni nasezintabeni, ememeza, ezilimaza ngamatshe.

Manje uJesu wakhipha amadimoni wawathumela emhlambini wezingulube ezavese zagulukudela ziseweni zaziphonsa phansi oLwandle  .Izakhamizi zazethuke kakhulu kwabiza ukuba zicele uJesu aphume aphele endaweni .Kodwa leyondoda yaba ngokhululiwe.

NgokukaMarkhu 5:18,19 Wathi ukuba angene emkhunjini, lowo owayekhwelwe ngamademoni wamncenga ukuba abe naye. Akamvumelanga, kepha wathi kuye: “Hamba uye ekhaya kwabakini, ubabikele ukuthi kungakanani iNkosi ekwenzele khona, yakuhawukela.”

Esikhundleni sokuba uJesu andise abafundi bakhe ngalolosuku kunalokho ,wayithumela ukuba ibuyele emumva lendoda kulabantu kanye abamxoshile ,ibuyele kubo ngomsebenzi wokubatshela ngomusa kaNkulunkulu.

Ngubani uJesu namhlanje akubizela ukuba umtshele ,ngezinto ezinkulu azenzile empilweni yakho ?  Hamba uye khona ungabe usananaza!

“Hamba uye ekhaya kwabakini, ubabikele ukuthi kungakanani iNkosi ekwenzele khona, yakuhawukela.”

Yilona kanye iZwi likaNkulunkulu leli … Eliza kuwe li-Fresh namhlanje..