Sewuke ube nawo lomuzwa ongemnandi wokuthi engathi kunento ehlasimulisayo izokwehlela ? Kodwa uvese uthole ukuthi ungalindele ,kube nento eyenzekayo eqeda ukwesaba kwakho  ebese lomthwalo omkhulu usuke emahlombe akho . 

Kuyiminyaka ngisengumfana ,ngangazi ukuthi ukhona uNkulunkulu kodwa ngangesaba ukuya kuYe ngenxa yesono sami;ngoba ngangazi ukuthi indlela engabe ngiphila ngayo impilo yami izoletha ukwahlulela kwakhe  ngamandla phezu kwekhanda lami . 

Mhlampe unento empilweni yakho oyaziyo ukuthi ayimthokozisi uNkulunkulu ,ngakho lomuzwa wovalo uyakudla emphufumlweni wakho .Nanti ivesi lesithathu lalelihubo elihle elithi  : It is Well With My Soul –Kuhle emoyeni wami …elibhalwe nguHoratio Spafford esikhathini empilweni yakhe lakhona alahlekelwa cishe yikho konke okwakuyigugu kuye . Ibhizinisi lakhe ,umnotho wakhe,zonke izingane zakhe ezinhlanu zafa .

Nokho okwathi  uma ebona uJesu amenzele khona ,qede wacula wathi …

Isono sami ,yeka lomcabango okhazimula kangaka ! Isono sami ,sonke hhayi ingxenye ,sesibethelwe esiphambanweni,futhi angisasithwele,Dumisa iNkosi ,Dumisa iNkosi ,Oh mphefumulo wami ! 

Futhi  yebo nebala kungumcabango okhazimulayo ukuthi sonke isono sethu ,hhayi ingxenye,sesisusiwe emahlombe ethu .Ngani? Ngoba sabethelwa esiphambanweni  ngalokho uJesu asenzela khona ,ukuze thina singaphinde sisithwale sanhlobo . 

KwabaseKolose  2:14 Esehlangule incwadi yecala lethu, emelana nathi ngemiyalo yayo, wayeyisusa ngokuyibethela esiphambanweni.

Dumisa iNkosi ,Dumisa iNkosi ,Oh mphefumulo wami ! 

Yilona kanye iZwi likaNkulunkulu leli … Eliza kuwe li-Fresh namhlanje..