Je!  Naweza kukuuliza ni lini uliwahi kumsifu Mungu?  Na wakati ulimsifu, ulifanyaje?  Haya ni maswali mazuri ya kujiuliza siku ya Jumapili wakati Wakristo duniani kote hua wanakusanyika kwenye ibada ya kumwabudu Mungu.

Je!  Ni mara ngapi umekuwa ibadani ukiimba wimbo wa sifa au wa maabudu lakini badala ya mawazo yako kumlenga Mungu, umeyaruhusu kuzurura?  Halafu, familia fulani wakiingia chelewa, na bado maneno ya sifa yakiwa midomoni mwako, uligeuza kichwa na kuwatazama kwa macho yako na kufikiri, Wale njamaa, daima wanachelewa.  Wana matatizo gani?!

Lazima ujiulize, Je!  Kwa kweli ninamsifu Mungu aliyemtuma Mwanae aniokoe?  Tujikague sasa tukisikiliza Zaburi ya mwisho ndani ya Biblia:

Zaburi 150:1-6  Haleluya.  Msifuni Mungu katika patakatifu pake; msifuni katika anga la uweza wake.  Msifuni kwa matendo yake makuu; msifuni kwa kadiri ya wingi wa ukuu wake.  Msifuni kwa mvumo wa baragumu; msifuni kwa kinanda na kinubi; msifuni kwa matari na kucheza; msifuni kwa zeze na filimbi; msifuni kwa matoazi yaliayo; msifuni kwa matoazi yavumayo sana.  Kila mwenye pumzi na amsifu BWANA.  Haleluya.

Nikitafakari zaburi hii, maneno ambayo yananijia kichwani kwa kueleza aina ya sifa mtunga zaburi ana taja hapa, ni maneno kama kufurahia, shangwe na shauku.  Je! Ndivyo unavyomsifu Mungu?  Kwa sababu nadhani hajali sana mlingano wa sauti yako, hapana.  Anachokijali ni yale yaliyomo moyoni mwako.   

Hili ndilo Neno la Mungu safi na lenye afya kwa ajili yako leo.