Labda nitakusumbua kwa maswali leo!,  Hivi, Umewahi kuvunjika moyo?  Je!  Umewahi kuhisi kama mambo yako hayako sawa!?; ya kwamba hauna nguvu tena za kupambana na yale yote unayokabiliana nayo!?

Huwa hatupendi kueleza hali hiyo mara kwa mara … lakini zaidi na zaidi, simu yangu inapokea njumbe mbalimbali zikiuliza ni kwa jinsi gani mtu anaweza kuboresha afya yake au kuongeza nguvu za kufanya kazi pindi tu anapoamka asubuhi, au namna ambavyo watu wengine huwa hawasemi ukweli  pale wanapokwenda kwa mtaalamu wa maswala ya akili ili kupata ushauri wa kisaikolojia.

Kuna mambo mengi huwa yanatuchanganya, unakuta tunaishi maisha yasiyoridhisha  na kwa njia moja ama nyigine, sote kuna wakati huwa tunavunjikamoyo.

Lakini, hata wataalamu  huwa wanapapasa papasa tu, Ni kweli, kuna mambo ya msingi mtu anapaswa afanye – kula vizuri, kufanya mazoezi, upate usingizi wa kutosha, mtu awe  na mahusiano mazuri na watu wengine.  Hayo yote yanafaa sana.

Lakini mwisho wa siku, kuna njia moja ya kubadilisha hali ya moyo uliopondeka na kuwa baraka.

Yeremia 17:14  Uniponye, Ee BWANA, nami nitaponyeka; uniokoe, nami nitaokoka; kwa maana wewe ndiwe uliye sifa zangu.

Mungu pekee ndiye awezaye kukutibu kikwelikweli, YEYE ndiye awezaye kukujaza na utukufu wake, kukuzidishia pendo lake, kukutibu kwa njia ya Roho wake na kukupa yote unayohitaji, si kukunusuru tu usife!, bali  hata kukustawisha vizuri hata kama maisha yanakuwia vigumu kiasi gani.

Kwasababu akikuponya, hakika utaponyeka.  Akikuokoa, hakika utaokoka. 

Hili ndilo Neno la Mungu safi na lenye afya kwa ajili yako leo.